Sadorra may problema sa pamasahe pauwi ng Pinas

MANILA, Philippines - Umaasa si Julio Ca­taliono Sadorra, ang pa­nga­lawang Filipino chess player na may pinakama­taas na ranggo matapos si Grandmaster Wesley So, na mapapabilang sa Phi­lippine team na sasabak sa World Chess Olympiad na nakatakda sa Agosto 1-15 sa Tromso, Norway.

Ngunit wala siyang pe­ra para makalahok sa qua­lification tournament na idaraos ng National Chess Federation of the Phi­lippines sa bansa.

Si Sadorra ay nakaba­se ngayon sa United States at walang pamasa­he pauwi sa bansa.

“It’s every Filipino chess players’ dream to play for flag and country in the Olympiad especially now that I’ve finished my studies at University of Texas-Dallas,” wika ng 26-anyos na si Sadorra, isang self-supportive student na may kursong Entrepreneurship.

“But it will be hard for me to fly to the country to play in a qualification event now due to econo­mic and financial reasons,” dagdag pa nito..

Si Sadorra ay No. 2 pla­yer sa bansa.