MANILA, Philippines - Muling magbibigay ang BEST Center Women’s Volleyball League (WVL) na suportado ng Milo ng mga exciting na laro sa pagbubukas ng kanilang ika-18 season sa Xavier School Gym sa San Juan City noong Jan. 12.
Mula Enero hanggang Marso, ang nasabing interschool tournament ay idaraos sa Metro Manila para sa mga batang volleyball players na may edad 7 hanggang 18-anyos. Dadalo ang pamosong volleyball analyst at guest of honor na si Mozzy Ravena, ina nina UAAP cagers at Milo endorsers Kiefer at Thirdy, sa season launch at magbabahagi ng kanyang mensahe sa halos 800 players, officials at spectators.
“For the past 50 years, Milo has been deeply committed to instilling sportsmanship and good character among the Filipino youth. We are delighted to carry on this tradition with our trusted partners from the BEST Center,†ani Milo Sports Executive Robbie de Vera.
Ang mga kalahok ay ang Assumption College, St. Scholastica’s College, Manila at Saint Pedro Poveda College sa elementary division at ang Immaculate Conception Academy, Miriam College at PAREF-Rosehill School sa secondary category. Ang nagkampeon sa kani-kanilang dibisyon noong nakaraang taon ay ang Colegio de San Agustin, Makati, Escuela de Sophia of Caloocan, Inc. at ang Hope Christian High School.