Ricardo De Zuñiga Trophy Race ilalarga ngayon sa Santa Ana

MANILA, Philippines - Pasisiglahin ang pista sa Santa Ana Park sa Naic, Ca­vite ngayong gabi sa pag­larga ng Ricardo De Zu­ñiga Trophy Race para sa 2-year old maiden hor­ses.

Sa 1,200-metro distan­syang paglalabanan ang ka­rerang handog din sa pang-50 ta­on ng paninilbihan ni Zuñiga sa horse racing.

Walong kabayo ang mag­susukatan sa karera na race three sa  siyam na na­ka-programa sa gabi at ang mga ito ay ang Mister Yo­kishoti (RC Landayan), Attila (RR Camañero), Answered Prayer (JB Ba­cay­cay), Smart Kid (JAA Gu­ce), True Steel (NK Ca­lingasan), YYY Delayla (Val Dilema), Wow Pogi (ES De Vera) at Vice Chancellor (JB Cordero).

Masuwerte ang mana­nalong kabayo dahil maiuuwi ng winning connec­tions ang P30,000.00 ad­ded prize na handog ng Phi­lippine Racing Commis­sion (Philracom) at Hubert Leong na naglaan ng P10,000.00 at P20,000.00, ayon sa pagkakasunod.

Ang Answered Prayer ang maaaring isa sa mapa­bo­ran sa karera matapos ang pangatlong puwestong pag­­tatapos sa 2YO Maiden Race at sa Philtobo race no­ong Disyembre 3 at 15 sa pagdadala ni Mark Alvarez.

Ikalawang pagdiskarte ni Bacaycay sa nasabing ka­bayo ay inaasahang na­ku­ha na niya ang tamang ren­da para higitan ang panlimang puwestong pagtatapos noong Disyembre 21.

Sa hanay ng mga mag­lalaban, ang True Steel ang may pinakamagandang pag­tatapos sa huling karerang nilahukan ng mga mag­lalaban nang tumapos ang kabayo sa ikatlong pu­westo sa isang 2YO Mai­den race noong Disyembre 21.

Isa rin sa kasasabikan ay ang race six na isang class division four race at si­nalihan ng anim na mana­nakbo.

Kasama rito ang Purple Ribbon na kapapanalo lamang sa isang special class division race noong Dis­yembre 21.

Pero ibinalik ang ka­bayo sa pagdiskarte kay Dan Camañero.