Hernandez, P Dilema mahigpit ang labanan

MANILA, Philippines - Magiging mahalaga ang ipakikita nina Jonathan Hernandez at Pat Dilema sa buwan ng Disyembre kung ang labanan bilang top jockey sa MetroTurf Club ang pag-uusapan.

Matapos ang buwan ng Oktubre at Nobyembre, si Hernandez ang siyang nangunguna sa talaan bitbit ang 202 puntos. May 74 puntos si Hernandez sa buwan ng Oktubre habang 128 ang naitala niya sa buwan ng Nobyembre.

Pero nakadikit si Dilema sa 193 puntos mula sa 72 at 121 na nakuha sa huling dalawang buwan.

Kasama sa top 10 sina Mark Alvarez (174), Jessie Guce (161), John Alvin Guce (118), Jeff Zarate (109), Albert Serios (104), John Anthony Guce (99), Reynaldo Niu Jr (96) at Louie Balboa (96).