Milo National Finals ngayon

MANILA, Philippines - Ngayon malalaman kung may bagong tatanghaling Hari at Reyna ng 37th Milo Marathon National Finals na pakakawalan sa Mall of Asia sa Pasay City.

Humigit-kumulang sa 35,000 runners ang inaasahang lalahok sa limang kategoryang paglalabanan.

Hangad ng Milo na malampasan ang bilang na 230,000 mananakbo na lumahok sa 18 legs, kasama ang 17 regional eliminations.

Itatampok sa karera ang 42.195-kilometer full marathon.

Madedetermina dito ang hihiranging kampeon sa Open at Local categories sa men’s at women’s category.

Ang mananalo sa Open, kasama ang mga foreign runners at tatanggap ng P300,000.00, habang ang magkakampeon sa locals ay bibigyan ng P150,000.00.

Para sa taong ito, umabot sa 663 runners ang nag-qualify sa National Finals at 44 dito ang nabigyan ng all-expense paid trip patungong Manila.