Roach babawi sa Team Rios sa pamamagitan ni Manny
MACAU — Sa pamamagitan ni Manny Pacquiao ay inaasahan ni trainer Freddie Roach na makakaganti siya sa ilang miyembro ng grupo ni Brandon Rios na nanggaya sa kanyang pautal-utal na pagsasalita dulot ng Parkinson’s disease.
Nagpatuloy ang sigalot sa pagitan ni Roach at ng kampo ni Rios kahapon matapos siyang sipain ni dating strength and conditioning coach Alex Ariza sa dibdib sa boxing gym kamakalawa ng umaga.
Ayon kay Roach, napanood na ni Pacquiao ang nasabing video kung saan siya sinipa sa dibdib ni Ariza at pinagtawanan ang kanyang pautal-utal na pagsasalita ng ilang miyembro ng Team Rios.
“(Pacquiao) said to me ‘are those the guys that made fun of you?’ and I said yes, and he said ‘that’s all I need to know’ and he walked away,†wika ni Roach sa The Associated Press.
“He told me he’s going to take care of this guy quickly,†dagdag pa nito.
Sinipa ang 53-anyos na si Roach sa dibdib ni Ariza, nasa kampo na nina Rios at head trainer Robert Garcia, matapos silang magkita sa boxing gym.
“What (Ariza) doesn’t realize is that Manny hits me ten times harder every day. It was like a girl kicking me,†wika ni Roach kay Ariza.
Ito ang magiging uÂnang laban ni Pacquiao ngayong taon matapos siyang patulugin ni Juan Manuel Marquez noong Disyembre 8, 2012.
Asam ng Filipino boxing icon, dating hinirang na pound-for-pound king, na maibangon ang kanyang dignidad matapos matalo kina Marquez at Tim Bradley.
“He’s hungry after the year off, he’s anxious to get in the ring and he’s anxious to show the world he’s still an elite fighter,†ani Roach kay Pacquiao. “The best way to do that is to knock Brandon Rios out, we both know that, and I have stressed that to him.â€
“Initially I didn’t think the fight would go six rounds, and after the way he’s worked out, I don’t think it will go four,†dagdag pa nito.
- Latest
