Apo ni ‘Kuya Germs’ nakakuha ng tiket para sa 2014 Youth Olympic Games

MANILA, Philippines - Kinumpleto ni Luis Gab­riel Moreno ang ma­gandang laro para ma­ka­sama si Bianco Go­tuaco sa 2014 Youth Olym­pic Games sa archery competition.

Sumali ang dalawang batang recurve archers na nakilala sa paglahok sa Batang Pinoy sa YOG Continental Quota Tour­na­ment na isinabay sa Asian Archery Champion­ships sa Chinese-Taipei at na­kuha ni Moreno ang gin­to, habang pilak ang ibi­nigay ni Gotuaco.

Pinangunahan ni Mo­reno, apo ni ‘Master Show­man’ host German Mo­reno,  ang qualification tangan ang 614 puntos at tinalo sa semifinals si Prennoy Murong ng Bangladesh, 6-2.

Si Indonesian archer Panjiaji Bukhori Rahmat ang nakaharap ng 15-an­yos na si Moreno at lumabas ang pinakamahusay ni­yang porma para sa  6-0 ta­gumpay.

Muntik nang maka-da­lawang ginto ang Pilipinas pero minalas si Gotua­co na natalo ni Aruzhan Abrazak ng Kazakhstan sa one-arrow shootoff, 9-8, para isuko ang 5-6 pag­katalo.

Si Gotuaco na may 614 puntos sa qualification kasunod ang 626 ni Ab­razak, ay nakapasok sa finals sa 6-2 panalo kay Oyuntungalag Chimedtseren ng Mongolia.

Isa pang lahok ng Pi­lipinas na si John Philip San­tiago ay umabante pe­­ro tumapos siya sa ika-15th puwesto.