MEMPHIS, Tenn. – Inilista si Houston Rockets guard James Harden sa day-to-day status matapos iwan ang preseason game kontra sa Memphis nitong Biyernes na may injury sa tuhod.
Sinabi ni Rockets coach Kevin McHale matapos ang 92-73 panalo ng Houston na nabangga ng star guard ang kanyang tuhod kay Quincy Pondexter ng Memphis sa first quarter.
Hindi na bumalik sa laro si Harden matapos matamo ang injury.
“He iced it, and stuff, and we’ll see how he feels (Saturday),’’ ani McHale na iniisip na hindi seryoso ang injuruy.


Si Harden, na pumasok sa laro bilang leading sco-rer ng koponan sa preseason sa kanyang average na 20.8, ay kumonekta ng 3-pointer mula sa right wing sa 4:35 minuto ng first quarter ay tumakbo papunta sa Rockets bench nang ma-foul ito ni Pondexter.


Tumayo si Harden at nag-shoot ng free throw bago dumiretso sa locker room sa sumunod na deadball.
Tumapos si Harden ng six points at four rebounds sa mahigit 7 minutong paglalaro bago na-injury.