MANILA, Philippines - Magdaragdag si chief trainer Freddie Roach ng isa pang sparmate para kay Manny Pacquiao bilang paghahanda kay Brandon ‘Bam Bam’ Rios sa kanilang laban sa Nobyembre 24 sa Macau, China.
Ayon kay dating two-time world champion Gerry Peñalosa, nasa General Santos City at sinusundan ang paghahanda ni Pacquiao, posibleng kumuha si Roach ng isa pang sparring partner mula sa United States.
Hihilingin ni Roach sa kanyang Filipino assistant na si Marvin Somodio na magpadala ng isang sparmate.
Ang kasalukuyang mga sparmates ni Pacquiao ay sina Liam Vaughan ng England, Fredrick Lawson ng Ghana at si dating PABA lightwelterweight champion Dan Nazareno ng San Fernando, Pampanga.