Caguioa anim na linggo ipapahinga ang kanyang MCL injury sa kanang tuhod

MANILA, Philippines - Hindi nangyari ang pi­nangangambahang ma­lub­hang injury ni Mark Ca­guioa ng Barangay Gi­nebra.

Sa kanyang pagkonsulta kay orthopedic surgeon Dr. Jose Raul Canlas, napag-alaman na si Ca­guioa ay nagkaroon ng isang mild sprain sa MCL (me­dial colateral ligament) sa kanyang kanang tu­hod matapos ang isang MRI (magnetic resonance imaging) scan.

“Just got back from my favorite very charisma­tic DR. Raul Canlas and he told me its MCL. Im really glad its only MCL and nothing else,” wika ni Caguioa sa kanyang Twit­ter account na @offi­cialMC47.

Marami ang kinabahan nang biglang gumulong sa sahig ang 2012 PBA Most Valuable Pla­yer sa 8:15 ng second pe­riod sa 94-101 kabiguan ng Gin Kings sa Petron Blaze Boosters noong Huwebes sa kanilang quarterfinals match sa 2013 PBA Go­vernor’s Cup.

Matapos makuha ang pasa mula kay Jayjay Hel­terbrand ay nadulas si Ca­guioa at kaagad na sina­po ang kanyang kanang tu­hod.

“This is the second time i got injured from slip­ping on a wet floor. Just want PBA to be aware to improve players safety. Thank you,” panawagan ni Caguioa sa PBA Commisioner’s office.

Isang left knee injury ang siyang nagpaupo kay Ca­guioa sa nakaraang 2013 PBA Commissio­ner’s Cup bago bumalik sa pagsagupa ng Ginebra sa Alaska sa championships series.

Tinalo ng Aces ang Gin Kings sa naturang tor­neo.

Anim na linggo ang ipa­pahinga ni Caguioa ba­go bu­malik para sa 2014 PBA Philippine Cup sa Nobyembre.