Ikatlong sunod na panalo inangkin ng Mighty Zeus

MANILA, Philippines - Tinapos ng Mighty Ze­us ang pagtakbo sa buwan ng Agosto bitbit ang isa pang panalo noong  Huwebes ng gabi sa Santa Ana Park sa Naic, Cavite.

Sa isang 3YO Handicap 1 idinaos ang karera sa 1,200-metro distan­sya at ang Mighty Zeus ay ginabayan ngayon ni Mark Alvarez ngunit hin­di nagbago ang tikas ng pag­takbo habang sinasakyan noon ni Jeff Zara­te.

Ikatlong sunod na pa­na­­lo ito ng kabayong bi­nigyan ng pinakamabigat na handicap weight na 56 kilos at hindi pinaporma ng tambalan ang second choice na Madame Rhea sa pagdadala ni RV Pobla­cion at napatawan ng pi­nakamagaan na handicap weight na 49 kilos.

Naghatid ang win ng P6.00, habang P7.00 ang ibi­nigay sa 4-3 forecast.

Nagpasikat din ang mga di napaborang mga ka­bayo sa bakuran ng Phi­lippine Racing Club Inc. (PRCI).

Ang lumabas bilang long shot sa gabing ito ay Ubolt na ginabayan din ni Al­varez, habang ang pa­ngalawang dehado ay ang Hot Momma.

Sa race 5 na isang 3YO Special Handicap Race sa 1,200-metro distan­sya nakuha ni Alvarez ang ikalawang panalo sa gabi nang gabayan ang Ubolt sa panalo na kanyang una m­atapos ang tatlong takbo sa buwan ng Agosto.

Ang napaborang Nurture Nature  na pumang-anim sa Lakambini Stakes Race sa pagdadala ni Pat Dilema ngunit ngayon ay sa­kay si CP Henson ay pu­mang-apat lamang.

Nasegunda ang Mistah sa pagdadala ni Antonio Al­casid Jr. upang matuwa ang mga dehadista dahil umabot sa P49.50 ang win, habang P375.00 ang dibidendo sa 5-1 forecast.

Nagbunga naman ang pagbabalik ni Chris Garganta sa ibabaw ng Hot Momma nang bumalik ang tikas ng kabayo at ma­nalong muli.

Galing ang kabayo sa pang-siyam na puwestong pagtatapos sa Lakambini Stakes race sa pagdiskarte ni Alcasid.