NANJING – Nagtala ang Philippines ng gold-silver finish sa girls’ golf ng Asian Youth Games matapos ang impresibong performance nina Mia Legaspi at Princess Superal kahapon.
Ito ang unang medalya ng Phl youth athletes para malagay sa 11th place.
“It feels very good and this gold medal is very special for me. I feel very proud but I also feel I deserve this because I’ve been working really hard,†sabi ni Legaspi sa Zhongshan International Golf Club.
Ipinagpatuloy ni Legaspi, nanalo ng 6 sa kanyang 11 tournaments na sinalihan sa United States sa huling tatlong buwan, ang kanyang mainit na kampanya nang hawakan niya ang liderato mula simula hanggang matapos ang laban para sa magaang panalo.
Tinangka ring manalo ni Superal, bahagi ng ICTSI golf program, ngunit tumapos ito ng 66 para sa 202 total at kinapos ng isa sa kanyang kababayang si Legaspi.
Sa athletics, lumalaban pa sina Fil-American twins Kayla at Kyla Richardson sa semifinals ng girls’ 100m dash habang sinusulat ang balitang ito at tangka nilang makapasok sa finals kagabi.
Sa fencing nabigong makapasok si Divine Romero sa round-of-16.