Mga larong katutubo bubuhayin ng PCSO

MANILA, Philippines - Bubuhayin ng Philip­pine Charity Sweepstakes Office (PCSO) ang mga katutubong laro sa pamamagitan ng  PNoy Sports.

Ang PNoy Sports, isang kampanya upang iba­lik ang mga tradisyunal na larong Pilipino na layuning magbigay ng pagkakataon para sa bon­ding ng pamilya at mga magkakaibigan na han­dog ng PCSO at Yellow Ribbon Movement (YRM).

Gagawin ito sa iba’t ibang lugar tulad ng El­lip­tical Road, Quezon Ci­ty Circle at Amoranto Sta­dium.

Sisimulan ito sa Agosto 21, alas-8:00 ng uma­ga sa Liwa­sang Au­rora, Quezon Ci­ty Memorial Circle, na may limang kategorya: pa­­losebo, patintero, luksong tinik, sipa at dama. Ang mga kalahok ay mga batang edad 7 hanggang 12 na naninirahan sa munisipalidad/barangay.

Ayon kay PCSO Chair­man Margie Juico, ang mga larong Pilipino tu­lad ng patintero, tumbang preso, piko, sipa, tu­rumpo at marami pang iba, ay buhay na buhay pa sa Pilipinas at nila­la­ro pa din sa komunidad.

“Hindi totoong hindi na naglalaro ang mga ba­ta ng larong kalye, tu­lad ng sabi ng iba na na­wala na ito sa lipunan ng Pi­lipnas sa panahon ng mga computer at mga gad­get na high-tech. Sa ma­raming lugar na urban at rural, naglalaro pa rin sa labas ang mga batang Pinoy ng mga katutubong laro da­hil marami pa rin ang wa­lang mamahaling high-tech gadgets,” pahayag ng Chairman.

“Nais naming buha­yin ang mga larong Pi­noy sa puso ng mga ba­tang Pinoy, para naman sa aming munting pa­raan, ma­­katulong kaming pasa­yahin sila at ma­ipagma­laki nila ang pa­­giging Pilipino,” pag­ta­­tapos pa ni Juico.