Walang tatalo sa Gilas kung gagana ang outside shooting

MANILA, Philippines - Mahihirapan ang mga koponan na talunin ang Gilas Pilipinas sa 27th FIBA-Asia Men’s Championship kung ga­ga­na ang mga outside shoo­ters ni­to.

Ito ang paniniwala ng ika­lawang PBA four-time MVP at makailang-ulit na naging national player na si Alvin Patri­mo­nio na saludo sa mga shooters na kinuha sa Gi­las team.

“Halos la­­hat may shooting. Kung magki­-click si­­lang lahat, ma­­laking fac­­tor ito at ma­­hihirapan si­lang ma­ta­­lo,” ani Pat­ri­monio.

Kalaro kagabi ng Pi­lipinas ang Kazakhstan sa knockout game.

Sakaling palarin ang Nationals, kumpiyansa si Patrimonio na la­laban ang koponan sa finals na magbibigay din ng ka­rapatan sa top three teams na maglaro sa 2014 FIBA World Cup sa Madrid Spain.

“Krusyal itong laro sa Kazakhstan, pero ma­­kalagpas lang tayo sa kanila, tataas na ang le­vel ng laro ng Gilas,” sabi ng 6-foot-3 power-forward na napasama sa all-Filipino team na tu­­ma­pos na pang-apat sa 1987 ABC Men’s Championship sa Bangkok, Thailand.

Ito ang pinakamataas na naabot ng Pilipinas sa torneo gamit ang mga lo­cal players.

Ang fourth place na pagtatapos ay naduplika ng Gilas noong 2011 sa Wuhan, China sa tulong ni 6’11 naturalized center Marcus Douthit.

“Kumpleto ang team na­min noon. May mga shooters gaya nina Allan (Caidic) at Ronnie (Magsanoc) at ang mga big men namin tulad nina Benjie (Paras), Nelson (Asaytono), Jerry (Codiñera) may peri­meter game. Mahalaga ito dahil threat sila at kung may double-team, pu­wede nilang i-kickout sa mga shooters. Ito ang wala sa team ngayon dahil puro dribble-drive,” ani Pat­rimonio.