MANILA, Philippines - Ang Asian Junior Wushu Championships ang magiging sentro ng talakayan sa PSA Forum ngayon sa Shakey’s Malate.
Sina Wushu Federation of the Philippines secretary-general Julian Camacho kasama ang iba pang officials at participants sa August-12 event ang pana-uhin sa weekly session na maririnig ng live sa DZSR Sports Radio 918 at hatid ng Shakey’s at ng Philippine Amusements and Gaming Corporation (PAGCOR).
Ang unang bahagi ng alas-10:30 ng umagang sesyon ay ukol sa boxing kung saan panauhin si reigning Philippine junior middleweight champion na si Dennis Laurente na haharap kay world-ranked Manopnoi Singmanasak sa World Boxing Council Asia junior middleweight championships.
Ang iba pang fighters na lalaban sa tinaguriang ‘War at the Casino’ ay darating din kasama ang manager-promoter na si Johnny Elorde.
Inaanyayahan ni Jun Lomibao ng Business Mirror, ang presidente ng PSA na dumalo ang lahat ng miyembro sa sesyon ngayon.