MANILA, Philippines - Magdedesisyon na si free-agent center Greg Oden nitong Biyernes kung saang team siya lalaro sa susunod na season.
Nakipagkita na si Oden sa Miami Heat, New Orleans Pelicans, San Antonio Spurs, Sacramento Kings, Dallas Mavericks at Boston Celtics. Nag-worked out na rin siya sa Heat, Pelicans at Kings sa kanyang lugar sa Indianapolis noong July 23.
Interesado si Oden sa Heat at Pelicans, ayon sa source. Hindi na interesado ang Celtics, kinuha si free agent Brazilian center Vitor Faverani kamakailan.
Ang 25-gulang na si Oden ay maraming beses nang naoperahan sa tuhod.