MANILA, Philippines - Ang mga opisyales ng UAAP Season 76 host Adamson at bagong Asean Basketball League (ABL) champion na San Miguel Beer ang magi-ging panauhin sa special session ng PSA Forum sa Shakey’s Malate.
Magkakasama sina Adamson athletic director, UAAP secretary Malou Isip at Falcons coach Leo Austria sa kanilang pagtalakay sa pagbubukas ng UAAP season sa Hunyo 29.
Ilalahad naman ng Beermen ang kanilang mga plano matapos pagharian ang nakaraang ABL season kontra sa dating kampeong Indonesia Warriors na kanilang winalis sa finals.
Ang alas-10:30 ng umagang sesyon ay isinasaere sa DZSR Sports Radio 918 at inihahandog ng Shakey’s at PAGCOR.