Mas madaling tatamaan ni Pacquiao si Rios kumpara kay Alvarado

MANILA, Philippines - Kumpara kay Mike Al­varado, mas madaling ta­maan ng mga suntok si Bran­don ‘Bam Bam’ Rios.

Ito ang pagkukumpara ni chief trainer Freddie Roach kina Alvarado at Ri­os, lalabanan ni Manny Pac­quiao sa isang non-title, welterweight bout sa Nob­yembre 24 (Nobyembre 23 sa US) sa The Ve­ne­tian Hotel sa Macau, Chi­na.

“Rios is not difficult to figure out,” ani Roach. “He wants to throw pun­ches and when you do that you get hit. He’s very hittable, more hittable than Al­varado. Manny will knock him out and I’ll be hap­py to see it.”

Natalo si Rios kay Al­varado via unanimous de­cision sa kanilang rematch noong Marso 30.

Nagkaroon si Alvarado ng right hand injury sa kanilang laban ni Rios ka­ya hindi siya pinili ni Bob Arum ng Top Rank Promotions para makasagupa ni Pacquiao.

“He picked me because I lost,” wika ni Rios sa pagpayag ni Pacquiao na labanan siya imbes na si Alvarado.

“They probably think. ‘Brandon is easy to hit. Brandon gets hit all the time.’ (But) it’s a very different story when you get in the ring with me. I’ve been waiting for this fight all my life. They made a mistake picking me,” dagdag pa nito.

Tinalo ni Timothy Brad­ley, Jr. si Pacquiao via split decision noong Hun­yo 9 at pinatulog naman siya ni Juan Manuel Marquez sa sixth round sa kanilang ikaapat na pag­haharap noong Dis­yembre 8.