The Reason Why angat sa laban sa Class Division 1

MANILA, Philippines - Angat pa rin ang ka­ba­yong The Reason Why  kung mapapalaban sa mga kabayong nasa Class Division I.

Ito ang nai­pakita ng The Reason Why ma­tapos dominahin ang wa­long kabayong kumarera na pi­naglabanan sa distans­yang 1,300 metro noong Mi­­yerkules sa Santa Ana Park sa Naic, Cavite.

Si Jonathan Hernandez ang dumiskarte sa ka­bayo sa ikatlong pagkaka­taon at nakuha niya ang pa­nalo sa unang karera sa bu­wan ng Mayo.

Naorasan ang The Reason Why ng tiyempong 1:24.6 sa kuwartos na 7’, 24, 25, 28 kuwartos pa­ra maisantabi ang hindi pagtimbang ng kabayo no­ong Abril 16 at 25 sa pagdiskarte ni Hernandez.

Patok ang nanalong ka­bayo at ang hiniya ay ang hindi gaanong nasipat na Stunning Success na ha­wak ni Karvin Malapi­ra.

Pumang-apat ang ka­bayo sa huling takbo sa pag­dadala ni Malapira at rumemate lamang ito para sirain ang naunang balikatan ng The Reason Why at ang second choice na Kat Kat.

Halagang P11.50 ang ibinigay ng win ng The Reason Why, habang ang de­hadong pumangalawa pa­ra sa 3-4 forecast ay ina­bot pa ng P137.00 dibi­dendo.

Sa pamamagitan naman ng panalo inanuns­yo ng Kidney’s Magic ang kanyang pagbabalik sa karera nang manalo sa 4YO-3YO-Maiden race na inilagay din sa 1300m distance.

Second choice ang ka­bayong sakay ni Dan Camañero na galing sa dalawang vicious at barrier race sa buwan ng Abril.

Pero kondisyon ang ka­bayo at maayos na tu­mak­bo para maisantabi ang malakas na pagdating ng Zapima ni Jessie Guce at top choice kasama ang coupled entry Pearlescence na hawak ni JB Bacaycay.

Sa huling 200 metro nag-init muli ang Kidney’s Magic para manalo pa ng halos tatlong dipa sa meta.

Ang winning time ay 1:21.4 sa kuwartos na 7, 23’, 24’ at 26’ upang salu­bungin ng maganda ang unang karera sa bagong bu­wan.

Umabot ang ipinamahaging dibidendo sa win sa P20.00, habang ang 7-9 forecast ay nasa P18.00.