MANILA, Philippines - Bago pa man itaya ni unified world flyweight champion Brian Viloria ang kanyang mga WBO at WBA titles kontra kay Mexican challenger Juan Francisco Estrada kagabi ay tatlong Filipino fighters ang umiskor ng panalo sa Venetian Casino and Resort Hotel sa Macau.
Parehong nagtala ng tagumpay ang magkapatid na Dodie Boy Jr. at Dave Peñalosa bukod pa kay Milan Melindo sa undercard ng Viloria-Estrada championship fight.
Tinalo ni Dodie Boy, Jr. si Ngaotawan Sithsaisong ng Thailand sa pamamagitan ng isang third-round knockout sa kanilang non-title, super bantamweight bout.
Tinapos ni Dodie Boy, Jr. si Sithsaisong sa 2:54 ng third round.
Iniangat ng 22-anyos na si Dodie Boy, Jr. ang kanyang win-loss-draw ring record sa 11-0-0 kasama ang 11 KOs kumpara sa 4-5-0 (3 KOs) ni Sithsaisong.
Nagposte din si Dave ng isang KO victory nang patulugin si Cheroenchai Sithsaithong sa second round sa kanilang non-title, super bantamweight fight.
Nauna nang pinatumba ni Dave ang kanyang Thai rival sa first round bago ito tinapos sa hu-ling 29 segundo sa second round para sa kanyang 6-0-0 (4 KOs) card.
Pinatulog naman ni Melindo si Tommy Seran ng Indonesia sa 2:238 ng fourth round sa kanilang non-title, flyweight bout.
Pinaganda ng 25-an-yos na si Melindo ang kanyang baraha sa 28-0-0 (12 KOs) laban sa 29-anyos na si Seran (23-2-0, 14 KOs).