Accel-PBA Press Corps player of the week
MANILA, Philippines - Sa ikalawang pagkakataon sa PBA Commissioner’s Cup ay nahirang na Accel PBA Player of the Week si Cyrus Baguio ng Alaska.
Siya ang nakita na pinakamakinang sa mga players nitong linggong nakaraang mula Feb. 25 hanggang March 3 ng PBA Press Corps.
Unang naging Accel PBA Player of the Week si Baguio noong Feb. 11-17.
Walang ipinagbago ang laro ni Baguio, bagay na isa sa mga dahilan kung bakit ang Aces ay wala pa ring talo pagkatapos ng limang laro.
Sa isang conference na may imports, ito ang pinakamagandang simula ng Alaska sa loob ng nakaraang 15 taon, o mula pa noong 1998 Commissioner’s Cup sa piling nina Sean Chambers (unang tatlong laro) at Devin Davis. Sa nakaraang 92-69 panalo ng Alaska sa Talk N Text noong Biyernes na nag-angat sa 5-0 sa Aces, nagtala si Baguio ng 17 points at tigatlong rebounds at assists.
“It’s amazing how consistent he has been for us this year,†pahayag ni Alaska head coach Luigi Trillo tungkol sa kanyang pinakamagaling na local player. “Again, I’m so proud of how he plays both sides of the court. He has proven he can excel in the halfcourt game for us and play good defense at the same time,†dagdag pa ni Trillo.
“He is thinking like a heavy point guard out there, getting our team in good rhythm, like he never gets tired out there,†wika pa ng Alaska coach na nasa kanyang pangatlong conference lamang sa Alaska.
Nag-a-average si Baguio ng 12.2 points, 3.6 rebounds, 3.0 assists, 1.6 steals at 1.0 block sa kasalukuyang conference.
- Latest
