MANILA, Philippines - Itala ang kauna-unahang kampeonato sa UAAP baseball ang gagawin ng Ateneo ngayon sa pagbangga uli sa National University sa Game two sa Rizal Memorial Ballpark.
Hawak ng Eagles ang 6-2 panalo sa Bulldogs at sila ang napapaborang kumuha uli ng panalo sa kanilang ika-12 ng tanghali na tunggalian.
Bubuksan din ng Adamson ang paglapit sa inaa-sam na ika-12 titulo sa softball sa pagsukat sa Natio-nal University sa ganap na ika-9 ng umaga.
May thrice-to-beat advantage ang Lady Falcons sa Lady Bulldogs dahil sa 12-0 sweep sa elimination round.
Labanan ng mg taga-Katipunan sa Men’s football finals
Ang mga nakabase na Unibersidad sa Katipunan, Quezon City na Ateneo at UP ang maglalaban para sa titulo sa men’s football.
Tinalo ng back-to-back defending champion Maroons ang FEU, 2-1, habang nanalo ang Eagles sa kari-bal na La Salle, 4-3, sa larong nadesisyunan sa penalty shootout. Si Jico Noel ang nagsalba sa laban ng Eagles nang maipasok ang kanyang penalty shot habang mintis ang tangkang panablang birada ni Patrick Deyto.
Hindi naman maituturing na walang kinang ang laban ng FEU at La Salle dahil ang kanilang mga koponan ang magtutuos sa women’s title.