Suns hinahabol si Shumpert

MANILA, Philippines - Habang gusto ng Phoenix Suns na palakasin ang kanilang roster para sa hinaharap, pursigido naman ang kanilang front office na makuha si New York Knicks guard Iman Shumpert, sabi ng sources ng Yahoo! Sports.

Handa ang Suns na ibigay sa New York ang isang package kasama si forward Jared Dudley at isang future first-round pick kapalit ni Shumpert.

Ngunit walang ipinapakitang interes ang Knicks na itulak ang trade.

Matapos mapunit ang kanyang kaliwang anterior cruciate ligament sa opening game ng Knicks sa nakaraang playoffs, nagbalik si Shumpert noong Enero at naglaro sa 11 laban.

Bagama’t wala pa sa porma si Shumpert, kumpiyansa naman ang Knicks sa kanyang talento.

Matapos magsisi sa hindi pagkuha kay Shumpert sa 2011 NBA draft, hiniling ng Suns sa Knicks na isama siya sa isang sign-and-trade scenarios para kay Steve Nash noong Hulyo.