Manny balak lumaban sa Abril: Pinag-iisipang gawin sa Rizal Memorial Stadium

MANILA, Philippines - Laban ni boxing super­star Manny Pacquiao ga­gawin sa Maynila?

Sa panayam ng ABS-CBN News, sinabi ni Pac­quiao na susubukan ni­yang maitakda ang kanyang susunod na laban sa Ri­zal Memorial Stadium sa Vito Cruz, Manila.

Ito ay sakaling wala nang makuhang venue pa­ra sa kanyang pagbabalik sa boxing ring sa Abril.

“Nakasanayan na Ap­ril (lumalaban tayo),” sabi ng 34-anyos na Sarangani Congressman. “Sisikapin natin na (dito gawin) sa Pilipinas. Kung dito sa Pi­lipinas, baka sa Rizal Memorial Stadium.”

Sinabi na kamakalawa ni Bob Arum ng Top Rank Promotions na malabong magkaroon ng laban sa Ab­ril ang Filipino world eight-division champion.

Ayon kay Arum, wa­lang venue para sa natu­rang tune-up fight ni Pac­quiao na sinasabing mu­ling haharapin si Juan Manuel Marquez sa Set­yembre.

“Manny was going to fight in April, but now, it doesn’t look like he is going to fight in April. He won’t fight until Septem­ber,” wika ng boxing pro­moter sa panayam ng RingTV.com.

Pinatumba ng 39-an­yos na si Marquez si Pacquiao sa huling segundo ng sixth round sa kanilang ika­apat na pagtatagpo no­­ong Disyembre 8 sa MGM Grand sa Las Vegas, Nevada.

 Pinapunta na ni Pacquiao ang kanyang Canadian adviser na si Michael Koncz sa Singapore para sa mga posibleng pagdau­san ng kanyang laban sa Ab­ril.

Bukod sa Singapore, ti­nitingnan din ni Arum ang mga lugar sa Macau, Dubai at Mexico.

“Macau has one arena that’s suitable, and that’s in the Venetian. (Top Rank pre­sident) Todd duBoef went over to Macau to arrange for a Pacquiao fight in April, and, unfortunately, a Korean pop star had signed a contract for the buil­ding for most of Ap­ril,” ani Arum.