Season 75 UAAP Women’s Volleyball Tournament 4 tropa magpipilit makasalo sa NU sa ikalawang puwesto
MANILA, Philippines - Apat na koponan ang mag-aagawan sa second spot sa doubleheader ng UAAP Season 75 women’s volleyball tournament ngayong hapon sa Filoil Flying V Arena sa San Juan.
Makakatapat ng two-time champion La Salle ang Far Eastern University sa ikalawang laro sa alas-3:30 ng hapon.
Magkikita naman ang Adamson at University of the Philippines sa alas-2 sa pangatlong laban.
Tinalo ng Lady Archers ang Lady Falcons, 26-24, 25-19, 25-18, samantalang binigo ng Lady Tamaraws ang Lady Maroons, 25-14, 25-14, 27-25, sa kani-kanilang mga huling laro.
Bago ang panalo sa Adamson, nanggaling muna ang La Salle sa isang five-set loss sa University of Santo Tomas.
Sina Abigail Maraño, Michelle Gumabao, Mika Reyes at Wensh Tiu ang aasahan ng La Salle katapat sina Rosemarie Vargas, Wenneth Eulalio, Mary Palma, Mayjorie Roxas at setter Gyzelle Sy ng FEU.
- Latest
