Accel-PBA Press Corps player of the week
MANILA, Philippines - Si Jimmy Alapag ng Talk ‘N Text ang nahirang na Accel Player of the Week ng PBA Press Corps para sa linggong November 18-25.
Ito’y matapos mag-average ang 2010-11 season Most Valuable Player ng 18.5 points, 3.0 rebounds, 5.5 assists bukod pa sa kabuuang 7-of-9 shooting mula sa three-point range sa naging dalawang panalo ng Tropang Texters kontra San Mig Coffee at Air21 nitong nakaraang linggo.
Nag-average din lamang ng 25.0 minuto sa isang off-the-bench role si Alapag sa dalawang panalo na iyon na nagpanatili sa two-time defending champions ng kanilang lugar sa ibabaw ng team standings at halos nagbigay na ng twice-to-beat advantage sa quarterfinals.
“I’m feeling better with coach Norman (Black)’s system now,” pahayag ni Alapag na tinalo para sa nasabing parangal sina Arwind Santos ng Petron Blaze at LA Tenorio ng Barangay Ginebra. “There was an adjustment period for the whole team, but I think we’re getting better with it. Coach always stresses to us the importance of trying to improve each game.”
- Latest
