MANILA, Philippines - Ngumiti ang suwerte sa Philippine Azkals nang tatlo sa mga inaasahang Fil-Europeans ang makakasama ng koponan na lalaban sa 2012 AFF Suzuki Cup na magsisimula na sa Sabado sa Bangkok, Thailand.
Ang pambatong goalkeeper na si Neil Ethe-ridge ay binigyan na ng go-signal ng Bristol Ro-vers na makalaro sa Azkals upang tumibay ang depensa ng koponan.
“Rovers will miss keeper Neil Etheridge for two games after tonight (Martes) as he goes to play for the Philippines,” ipinala-bas na mensahe sa official Twitter ng football club.
Bukod kay Etheridge ay dumating naman sina Jerry Lucena at Paul Mulders sa Bangkok kahapon para pa-lakasin ang koponan.
Naunang umalis ang pambansang koponan noong Lunes ng tanghali bitbit ang 22 manlalaro.
Inaasahang dadating pa ang ibang tinitingalang Fil-European players bago sumabak sa aksyon ang Azkals kontra sa host Thailand sa Sabado.
Matapos ito ay haharapin ng koponan ang Vietnam sa Nov. 27.