Tinalo ng Barangay Ginebra San Miguel ang Talk ‘N Text, 104-101, noong nakaraang Linggo sa MOA Arena sa 2012-13 PBA Philippine Cup eliminations round.
Anu-ano ang mga implikasyon ng panalong iyon ng Kings?
*Pangalawang sunod na panalo na iyon ng Barangay Ginebra pagkatapos ng isang five-game losing streak.
*Pangalawang talo na iyon ng two-time defending champion Tropang Texters sa kanilang huling tatlong laro matapos ng isang 6-0 na simula.
*Bigo ang Talk ‘N Text na maging unang koponan na makasungkit ng unang quarterfinal berth sa conference playoffs sa araw na iyon.
*Nabigo din noong Linggo ang Tropang Texters na bigyan ng regalo si head coach Norman Black sa bisperas ng kanyang ika-55 na kaarawan.
*Bigo din ang TNT na bigyan noong Linggo si Black ng kanyang ika-500 na panalo sa PBA. Magiging pang-apat pa lamang si Black na PBA coach na umabot sa 500 na panalo pagkatapos nina Baby Dalupan, Tim Cone at Yeng Guiao.
***
Pero bagama’t natalo, nakasungkit naman si Ali Peek ng Talk ‘N Text ng dalawang offensive rebounds kontra sa Barangay Ginebra na nagluklok sa kanya sa No. 4 sa all-time offensive rebounds sa liga sa likod lamang nina PBA legends Jerry Codiñera (2,411), Abet Guidaben (2,373) at Mon Fernandez (2,217). May kabuuang 1,944 offensive rebounds na si Peek sa kanyang career.
***
Habol din ng Talk ‘N Text ang pang-siyam na sunod na pag-abante nito sa conference playoffs.isang streak na nagsimula sa 2009-10 Philippine Cup.
***
Ang may hawak ng pinakamahabang active streak sa pagpasok sa conference playoffs ay ang Barangay Ginebra na ambisyon ang kanilang pang-17 sa conference.