Pagsunod sa Community Quarantine

“Manalangin tayo na magkaroon na ng cure. Hindi lang basta mala­kas ang resistensya ang kailangan. Hindi naman lagi na bata at malakas tayo ‘di ba. Panalangin natin na matapos na ang problemang ito glo­bally.” - Ruby, Tacloban

“Kung nasa Panginoon ka kahit may virus, hindi ka matatakot. Pero kailangan mag-ingat para sa pamilya.
Walang nga pasok yung mga estudyante naman at ibang tao ay panay ang puyat. Dapat maging productive pa rin para  hindi tablan ng virus.” – Khea, La Union

“Lahat ay kailangang magsakripisyo. Walang mayaman o mahirap. Lahat tayo ay sumunod na mag-quarantine. Okey lang na hindi muna tayo kumain ng masasarap at hindi muna magtrabaho. Manahimik sa bahay para ma-address ang problema. Or else lalaki ang problema gaya sa Italy at China.” – Sunshine, Manila

“Pasalamat tayo sa gobyerno na ginagawa ang lahat ng paraan kung paano mapigilan ang pagkalat ng sakit. Hayaan natin kumilos ang gobyerno kung magutom man tayo ay sila ang mag-provide para sa atin. Marami pa rin ang mabibilhan sa mga barangay natin, hindi muna kailangang pumunta sa mall. Kailangan natin tulung-tulong magsakripis­yo na harapin ang crisis ng bansa. Hindi naman tayo totally lockdown, huwag lang maging matigas ang ulo para sa ating mga anak at asawa.” – Ging, Cebu

“Sana ay may magandang kalooban din na sasagutin ang dalawang buwan kikitain dapat  ng mga apektadong tindera o indibidwal na hindi makakapagtrabaho.” - Mani, Ligas