Tinitiis ang pasaring ng biyenan

Dear Vanezza,

Tinitiis ko lang ang mga pasaring ng biyenan ko sa akin dahil hindi siya boto na ako ang napangasawa ng anak niya. Nagtitiis din ako na nakikipisan pansamantala sa bahay ng biyenan ko. Hindi naman ako mapagtanggol ng mister ko na mama’s boy pala. Gusto ko nang makapasa sa board exam at magkaroon ng maganda at malaking suweldo para makalipat na kami ng bahay. Pero pinipigilan ako ng mother-in-law ko. Ano ba ang dapat kong gawin? - Cecile

Dear Cecile,

Ganyan talaga kung nakikipisan sa iyong biyenan. Kahit anong gawin mo ay may pintas na makikita sa iyo. Hindi naman kailangang malaking bahay. Ang importante ay makabukod bilang pagsisimula ng pagbuo ng inyong pamilya. Ito rin ang ipaliwanag sa iyong mister upang siya ang magsabi mismo sa iyong biyenan.

Sumasainyo,

Vanezza