Sa bawat sitwasyon ay may dalawang mukha na puwedeng makuha gaya ng positibo at negatibong bagay.
Tulad ng coronavirus na nagmula sa China na ngayon ay nagdala ng takot sa buong mundo. Apektado ang maraming bagay maging ang mga overseas Filipino workers.
Sa isang banda, may dulot din itong magandang bagay upang mas naging mahigpit ang mga kompanya at agencies sa kanilang mga workers hindi lamang sa local kundi pati sa ibang bansa.
Mas mabibigyan ng tamang proteksyon ang mga OFW lalo na ang mga nasa health services sa abroad.
Mas nagiging aware rin ang lahat ng indibidwal na maging maingat at palakasin ang mga resistensya. Malayo man ang OFW sa pamilya ay panatag ang isipan na may effort ang kanyang mga anak at asawa para maging malusog upang hindi mahawaan ng bagsik ng virus kung saka-sakali.
Mahirap man ang problema laban sa coronavirus ay may aral din na iniiwan sa lahat lalo na ang OFW. Tulad ng huwag magloko at gumala muna na magdoble ingat sa ibang bansa upang hindi makasagap ng virus.