Chemicals sa Hangin

Ang ash fall na pag-ulan ng abo na mabuhangin na galing mula sa pagsabog ng bulkang Taal ay delikado dahil ito ay naglalaman ng chemicals sa hangin  ng mga pinong mi­neral particles, carbon dioxide, at flourine na masama ang epekto sa kalusaugan.

Ang mga namuong alikabok mula sa bulkan ay nagpapadulas sa daanan, nagiging maputik sa mga naulanan, at nagiging pabigat sa bubong dahil sa pul­bos na pinong materials. Kaya mas mapanganib na linisin ang taas ng bubong dahil sa maliliit na bato o abo na may tendency na madulas ang tao. Ma­halaga na mag-ingat sa paglilinis ng bubong upang hindi madisgrasya.

Importante na patuloy na protektahan ang sarili, mga miyembro ng pamilya, at maging ang tahanan. Manatili sa loob ng bahay. Isara ang bintana at pintuan. Makinig sa radio o balita para sa advice at information ng kaganapan. Kung hindi maiiwasan na lumabas ng bahay ay gumamit ng dust mask o panyo para hindi malanghap ang alikabok. Magsuot din ng goggles para maprotektahan ang mga mata. Panatili­hing nasa loob ng tahanan o ligtas na lugar ang mga alagang hayop. Maglaan nang sapat na pagkain at malinis na tubig sa loob ng bahay. Iwasan na mag-share sa social media kung hindi pa kompirmado ang mga  delikadong isyu. Upang maiwasan na mag-panic ang mga  tao na tiyak ay isi-share rin sa ibang kaibigan o pamilya.

Samantalahin na linisin ang kabayahan at labas ng bahay lalo na ang ma­kapal na abo sa loob ng bakuran at tapat ng gate dulo’t ng ash fall. 

Higit sa lahat ay kailangang sama-sama na manalangin sa kaligtasan nang lahat.