Dear Vanezza,
Ang problema ko ay ang overprotective na magulang ko. Ayaw nila akong maligawan. Sinusundo pa ako sa school ni tatay. Mas maluwag pa sila sa kapatid kong lalaki. Hindi ba natural lang sa edad kong 18 ang magkaroon ng admirers? Galit si tatay kapag may aakyat ng ligaw. Mabait naman akong anak at alam ko ang limitations ko. Nagyaya ang ka-MU ko na magtanan kami para lang makalaya na ako. Tama ba ako?
Candy
Dear Candy,
Huwag maging rebelde sa paghihigpit ng mga magulang mo. Gusto lamang nilang makatapos ka muna ng pag-aaral. Huwag magtanan na tiyak ay pagsisisihan mo ito sa bandang huli. Kundi ituloy mo lang ang pagiging isang mabuting anak at darating ang araw na maiintindihan mo ang ginagawa ng magulang mo.
Sumasaiyo,
Vanezza