Bitter na buhay ni nanay

Dear Vanezza,

Nakakainis ang pamilya namin.  Bitter sa buhay ang nanay ko tapos dala-dalawa pa ang trabaho niya komo  single mother siya. Pinipilit ibigay ni nanay sa aming magkakapatid ang lahat ng needs namin mapag-aral lang kaming magkapatid. Pero nakalimutan din ng nanay ko na hindi lang pera at materyal na bagay ang kailangan namin ng kapatid ko, kundi oras, kalinga, at pagmamahal niya. Nagsisikap akong mag-aral mabuti para hindi masayang ang hirap at sakripisyo ni nanay, pero bakit hindi nakikita ni nanay ang effort ko, kundi puro na lang kapalpakan ko ang inuungkat niya. Ano po ang gagawin ko? - Nancy

Dear Nancy,

Marahil pagod lang si nanay na sabi mo nga dalawa ang trabaho niya. Maaaring hindi lang marunong mag-express si nanay ng kanyang appreciation para sa iyo. At higit sa lahat ay gusto lamang ni nanay na ibigay ang best mo para rin sa iyong kapakanan. Kung walang time si nanay ay ikaw mismo ang umabot kay nanay na paalalahanan siyang mas higit ninyo siyang kailangan kaysa sa materyal na bagay.

Sumasainyo

Vanezza