Dear Vanezza,
Pressure ako sa mga classmates ko na mag-aaral sa mga sikat at mamahaling university. Na-insecure tuloy ako na makipagkita sa kanila. Pati ang post nila sa group chat namin ay mas lalo akong nanliliit sa mga nagagawa at nararating nila. Pero anong gagawin ko walang kakayahan ang magulang ko na pag-aralin ako sa mga exclusive schools. Pero hindi ko magawang mainggit. Ano ba ang gagawin ko? – Chel
Dear Chel,
Imbes na mainggit ay gawing challenge na magsumikap sa iyong pag-aaral. Ang mahalaga ay nabibigyan ng pagkakataon na makapag-aral. Upang balang araw ay matulungan hindi lang ang iyong sarili kundi ang buong pamilya.
Sumasainyo,
Vanezza