Pera na Nagpapaikot sa Mundo

‘Money, money, money... it’s a rich man’s world na kanta ng Abba. May version din si Liza Minelli sa kantang ‘Cabaret’ na “Money makes the world go round, the world go round...’

Madalas hindi makakilos kung walang pera. Buti pa nga raw ang pera may piso, ang tao ay wala kahit  singkong duling.

Kahit sa sariling buhay o sa buong mundo na pangkalahatan ay lahat umiikot sa materyal na possession o pera.

Nauubos ang oras sa kakaisipin tungkol sa pera. Saan makakakuha ng best deal? Bakit nga mas malaki ang kinikita ng kapatid kaysa sa iyo? Bakit hindi mo ma-afford makabili ng sariling kotse? Bakit tumataas ang presyo ng gasolina? Saan may pinakamagandang investment?

Napapaalalahanan din kung paano natutukso ang mga business leader pagdating sa pera. Ang money at moral ay magkaiba pero puwedeng masira ang character ng isang tao dahil sa pera.

Pero hindi naman lahat ay negatibo ang pananaw sa pera.May warning lamang ang Bible na ‘the love of money is the root of all evil.’ Meron ding positibong sinasabi na ‘it is better to give than to receive.’

Ano nga ba ang pera at layunin nito? Sa economic terms ang pera ay method ng payment kasama na ang banknotes at coins.

Maraming recommendations kung paano i-manage ang ating finances. Kailangan lamang matutong i-handle ang kinikita  sa tamang paraan.

Pero ang pera na kapag lumalagpak sa kamay ng mga hindi wise na tao na kalaunan ay naghihirap dahil sa kinahinatnan ng pagkagahaman sa pera.