Sa U.S. ang mga 16 years old ay excited na makakuha ng driving license. Pero hindi ganun kadali sa kanila na makapasa. Hindi katulad sa ‘Pinas na madali lang ang proseso. Pero kailangan pa rin mag-enroll sa professional na driving school na maglalaan ng oras na may supervise habang nasa kalye araw man o gabi bago tuluyan kumuha ng driving test sa LTO.
Kung paano may organisasyon na naggagabay sa mga kabataan sa pagharap sa mga tanong at hamon ng buhay, dapat pareho rin ang mindset na kailangan bago magbigay ng smartphones sa mga anak. Katulad sa pagmamaneho ay hindi agad ibinibigay ang susi sa anak ng kotse kung walang sapat na training. Dapat ganito ang proseso bago ibigay ang cell phone sa bata. Upang matutunan ng mga bata na mabalanse ang physical, kung ano ang legal, at spiritual na aspeto. Pinapayuhan na huwag munang regaluhan ng CP ang mga anak kung hindi pa sila marunong makipag-usap. Ang pamilya ay dapat magturo ng mag-self-regulate na ang mga anak mismo ang magkontrol na matutunan na magkaroon ng intergidad sa paggamit ng kanilang cell phone. Ang mga anak mismo ang mag-impose ng mga limits kung hanggang saan lamang dapat ginagamit ang mga smartphones. Gamitin lang sa komunikasyon ng pamilya at sa mga ibang commitment sa pag-aaral. At hindi sa mga bagay na ikakapamahak ng bata na madalas ay naa-addict sa paglalaro gamit ang kanilang CP.
Ibigay lang ang smartphone sa mga anak kung handa at responsable na silang gumamit sa ikabubuti at kapakanan ng bata.