Solusyon sa Napanis na Amoy
Ilan lamang ang bacon, chicken curry, at adobo sa mga pagkaing mabango sa tuwing niluluto pero nag-iiwan ito ng tila napapanis din na amoy.
Siyempre pa ay nakakahiya ito lalo na kung may bisita ka sa iyong tahanan.
Narito nag ilang tips para maiwasan ang mabahong amoy sa bahay.
1. Isara ang kwarto at cabinet sa tuwing magluluto. Tanggalin din ang mga sinampay dahil ang mga tela ay pinakamabilis na maka-absorb ng mabahong amoy.
2. Siguraduhing maganda ang bentilasyon nang sa ganon ay mabilis na mawala ang amoy. Buksan ang bintana pagkatapos magluto para hindi maiwan ang amoy sa lugar ng pinaglutuan.
3. Pagkatapos magluto ay punasan at hugasan agad o ibabad ang mga splatters sa stove at countertop. Linisin ang mamantika sa mga kaldero hanggang maaari. Wala nang mas malala pa na ‘paggising sa umaga ay makikita ang tambak na hugasan at malagkit na kaldero sa ibabaw ng kalan.
4. Magpakulo ng cinnamon o balat ng citrus fruit.
5. Bago matulog ay mag-iwan sa lamesa ng isang bowl ng suka, baking soda, uling, o coffee grounds. Tinatanggal ng mga ito ang naunang naiwang amoy ng inyong niluto.
- Latest
