Radar ng mga anak sa awayan ng magulang

Ang mga anak ay mas magaling na estudyante kaysa sa mga magulang. Alam nila kung ano ang nangyayari kina nanay at tatay.

Sa isang research, napag-alaman na ang anak ay mataas ang stress na nararanasan, hindi lamang sa kanilang school activities, kundi dahil sa pressure na awayan ng kanilang magulang sa bahay. Iba na ang sistemang nangyayari ngayon sa tahanan. Kung dati ay hindi mo mariringgan na nag-aaway ang mag-asawa na hindi ipinapakita o pinaririnig sa mga anak.

Samantalang ngayon, mismo sa harap ng mga bata ay nagsusumbatan, nagmumurahan, at nagkakasakitan.

Kahit hindi man sabihin sa mga bata ang mga nangyayari kina mommy at daddy, pero nararamdaman nila ang hindi pagkakasunduan ng kanilang magulang.

Tandaan ang mga anak ay isang radar units na napi-pick ang lamig at init sa importanteng tao sa kanilang buhay. Alam nila kung ano ang pinagdadaanan nina mama at papa. Kaya importanteng mag-invest ang magulang ng regular sa kanilang relasyon, upang huwag nang magpabigat sa damdamin din ng mga anak.