Mabubuhay ka ba ng Walang Facebook?
* Lumaki at nagkaedad tayo na walang FB. Bilang nanay ang saya ko lang kung sakaling mawala ang FB. Wala nang ginawa ang anak ko kundi mag-selfie at mag-online. Para laging kailangan ang approval ng ibang tao. – Maribeth, Navotas
* Malaking bagay ang FB hindi lang sa personal na buhay, kundi medium ito para maging aware tayo sa ating paligid. Bilang babala sa mga krimen at kaganapan sa buong mundo. – Makati, Cellica
* Okey lang sa akin na walang FB, nauubos ang oras ko sa kaka-scroll. Hindi ko namamalayan ang oras sa kakatingin ng mga feeds. Ang dami ko nang nasayang na oras at isa itong malaking distraction sa akin. Dati nakakailang libro akong nababasa, ngayon waley. - Bacolod, Angeline
* Asus, ‘di wag kayo mag-FB. Walang basagan ng trip. Eh ‘di wag kayo mag-like o share kung ayaw n’yo. Necessity na rin ang FB para alam mo agad ang latest update. – Recto, Lheng
* Naku, never mawawala ang FB, part na ito ng social media sa buong mundo. Marami rin ang aalma lalo na ang millennials. Pero dapat maging responsible. Marami na ring nawasak na pamilya na naghiwalay na misis at mister dahil lang sa FB. – Cubao, Marlene
- Latest
