Lumpiang tinapa perpect pang-meryenda

Ang lumpiang shanghai o spring rolls ay pagkaing Pinoy na may mga sangkap tulad ng karne ng baka, baboy, bawang, sibuyas, itlog, carrots at iba pa.

Paborito rin itong ihain sa handaan kapartner ang pansit at spaghetti.

Marami na ring nag-imbento ng iba’t ibang recipe nito na ang iba ay mayroon pang keso na siyang mas nagpasarap sa lasa. Mas gusto rin ito ng mga bata dahil sa cheesy flavor.

Pero alam niyo ba na pwede ring gawing lumpia ang tinapa? Perfect na pang-ulam o meryenda ito.

Simulan ito sa pagpiprito ng tinapa, palamigin at saka himayin (siguradong wala nang tinik na natira). Pagkatapos ay haluan ito ng sibuyas, carrots, bawang, itlog maalat at saka ilagay sa lumpia wrapper. Maaari itong i-partner sa maanghang na suka.