Dear Vanezza,
Nawalan ng gana ang mister ko sa tatay niya na may alzheimer dahil kahit anong gawin niya bad shot pa rin siya sa biyenan ko. Nagtataka lamang kami kung bakit tuwing nakikita siya ay sinusumpong si tatay na laging nagagalit, nagmumura, at nagsasabi na gusto niyang patayin ang mister ko. Gusto man alagaan ng mister ko ang tatay niya, wala siyang magawa kundi lumayo. Paano ko ba makukumbinse ang mister ko na patawarin na lang ang tatay niya? – Pauline
Dear Pauline,
Paalalahanan ang mister mo na unawain si tatay. May kaso na aggresive ang kanilang sitwasyon, kaya tama na lumayo siya sa kanyang tatay. Hindi komo may sakit sila ay hindi na nila kayang manakit. Mahalagang ipa-check up si tatay sa neuro upang masuri ang kalagayan nito. Para mabigyan din ng gamot na magpapakalma kay tatay. Tama na patawarin si tatay dahil sa kanyang karamdaman.
Sumasainyo,
Vanezza