Tirador ng mga manliligaw na DOM

Dear Vanezza,

Twenty five years old na ako na gusto na rin mag-asawa. Ang bansag sa akin ay killer ako ng DOM dahil puro may edad ang nagkakagusto sa akin. Mayroon akong seryosong manliligaw na 50 years old na biyudo na may kambal na 10 years old. Imagine mo, DOM na nga, instant mommy pa agad ako ng twins niya. Type ko na rin si Manong kaso ang isa ko pang worry ay sobrang yaman ng lalaki na baka magmukha naman akong pera. Pero natutuwa ako sa kanyang pagiging maasikaso at matiyagang panliligaw sa akin. Ang cute rin ng mga anak niya. Sa tingin ko ay nai-in love na ako kay Manong. Pero natatakot akong masabihan na pera lang ang habol ko sa kanya. Tama ba ang iniisip ko? - Cindy

Dear Cindy,

Hindi nasusukat sa edad ang pagmamahalan. Kung talagang type mo na si Manong ay kilalanin mo pa siya nang husto. Ikaw mismo ang nakakaalam sa sarili mo kung anong motibo mo kay Manong. Kung malinis ang iyong intensiyon wala kang dapat ipag-alala kahit tawagin ka pa na killer ng mga DOM ng iba.

Sumasainyo,

Vanezza