Hipag Hinipuan ni ‘Bayaw’

Dear Vanezza,

Malapit nang ikasal ang ate ko sa matagal na niyang nobyo. Pero hindi siya maniwala na hinipuan ako ng boyfriend niya sa maselang bahagi ng aking katawan habang ako ay natutulog sa bahay namin.  Palibhasa ay labas pasok ang BF sa bahay noong minsan ako lang ang naiwan. Pero ayaw maniwala sa akin ng ate ko. Natatakot akong sabihin kina tatang at nanang dahil baka magkagulo. Anon gang gagawin ko? – Lheng

Dear Lheng,

Habang maaga ay sabihin mo ito sa iyong magulang. Upang pag-usapan nila ng ate mo at komprontahin ang BF niya sa maling nagawa nito. Para magising din ang ate mo kung anong klase tao ang mapapangasawa niya. At least kung itutuloy nila ang kasal ay dapat maprotektahan kang hindi na ito mauulit at mag-ingat sa magiging bayaw mo.

Sumasainyo,

Vanezza