Mister Outside de Kulambo, Naanakan ang Katulong

Dear Vanezza,

Tatlong taon na kaming kasal ng mister ko. Pero hindi ako magkaanak. Hinihiling ko sa mister ko na mag-ampon na lang kami. Ngunit ayaw niya, gusto raw niya ay manggagaling mismo sa sarili niyang dugo. Lagi siyang umuuwing lasing kaya hindi ko pinapapasok sa kuwarto namin. Sa sala siya natutulog at ang katulong namin ang naglilinis ng kanyang suka. Hindi ko alam na may nangyayari pala sa mister ko at katulong namin tuwing na lalasing siya. Ngayon ay tatlong buwang buntis ang katulong namin na ang mister ko ang ama. Gusto ng mister ko na kunin namin ang bata at ang katulong namin ang magiging yaya. Dapat ba akong pumayag? – Maureen

Dear Maureen,

Kung magagawa mong patawarin ang iyong mister ay ikaw lang ang tanging makapagdedesisyon. Matitiis mo ba na maging ina ng batang bunga ng ginawa ng iyong asawa? Kung papayag ang inyong katulong sa set up at hindi na mauulit ang nangyari sa kanila ng mister mo. Ikaw ang magpapasya at tanggapin ang magiging kahihinatnan ng lahat.

Sumasainyo,

Vanezza