Maraming Gamit ng Waffle Iron

Burp Tips

Kung minsan ay bumili kayo ng waffle iron o waffle maker pero hindi naman laging gumagawa ng waffles, magugulat kayong maraming puwedeng lutuin dito.

Isa sa mga paboritong lutuin sa waffle iron ang hash brown. Sa pagluto kasi rito, hindi na mahirap makabuo dahil napi-press at pantay na naluluto ang magkabilang side ng hash brown.

Maaari rin magluto ng omelette na bukod sa perpektong bilog o parisukat ang hugis depende sa waffle iron na ginamit hindi rin magbibitak-bitak ito kapag may mga sahog kayong ilalagay. Pantay din ang pagkakaluto at hindi na mag-iisip kung paano baliktarin.

Paborito rin lutuin ang bacon sa waffle iron dahil ang mantika ay nasasala sa gilid at hindi masyadong oily kapag naluto. Oh, bongga ‘di ba? Burp!

Para sa mga suhestiyon tungkol sa pagkain at pagluluto, o kung mayroon kayong recipe na gustong ibahagi, maaaring mag-email sa [email protected]