Kailangan bang Gastusan ang Valentine’s Date?

• Isang beses sa isang taon lang ito kaya okay lang na gumastos para sa taong pinakamamahal mo. Hindi mo naman siguro tinitipid ang mahal mo sa buhay lalo ang pinakaespesyal na tao sa iyo ‘di ba? Kaya para sa akin katumbas na rin ng Pasko o birthday ang Valentine. – Arnel, Pampanga

• Marami namang pwedeng gawin at ipagdiwang ang Araw ng mga Puso nang hindi gumagastos. Magluto ka lang ng espesyal na putahe at mag-setup ng isang magandang dinner table. Kung may tirang wine ay maaari rin gamitin. Hindi mo kailangang gumastos ang dapat lang gawin ay ibigay ang iyong oras sa mahal mo. – Niko, Bataan

• Dapat gastusan ang inyong pinakamamahal tuwing Valentine’s Day. Espesyal naman kasi talaga ang araw na ito at isa ito para maipakita kung gaano n’yo sila kamahal. Kahit simpleng bulaklak lang at regalo para  maramdaman niya na mahal mo siya ay okay na. – Rustom, Antipolo

• Gastos lang ang Valentine’s day na ‘yan. Dati hindi naman ‘yan isineselebreyt ah? Bakit ba kasi nauso pa ‘yan. Normal na araw lang ‘yan. Hindi na dapat pagarbuhin at ginagawa lang business ng ibang tao. – Rex, Cebu

• Depende naman kasi ‘yan. Kung GF mo pa lang ‘wag na muna kasi hindi mo naman alam kung magiging kayo hanggang dulo. Kung asawa mo na, ‘yun ang gastusan mo. Alagaan mo para hindi umalis sa’yo. Pero kung may asawa ka at GF tipid-tipid din. Hahaha – Oka, Davao