Binata Hindi Naka-graduate Dahil sa Balbas!

Grabe na ‘to! Isang bi­­na­tang ama na nakakuha ng 4.0 GPA at nag-excel sa sports ang hindi naka-graduate dahil lang sa balabas.

Ang valedictorian ng Amite High School sa Amite City, Louisiana, USA na si Andrew Jones ay hindi nga pinapasok sa gate ng kanilang eskwelahan sa mismong araw ng kanilang graduation rites. Ito’y kahit handang-handa na siya para sa kanyang speech, dasal, at makipagsaya sa kanyang kapwa graduates. Hinarang kasi si Andrew sa gate pa lang nang siya’y papunta sa graduation. Sabi ng mga school administrators lumabag ang binata sa istriktong dress code na ipinatutupad sa mga eskwelahan ng nasabing distrito.

“They snatched his robe off him, and they took his awards,” kwento ni Sabrina Davis, tiyahin ni Andrew. “He had to sit in the stands and watch his friends and cousins graduate.”

Sabi ng mga opisyal ng eskwelahan, ilang beses daw pinagsabihan ang mga ga-graduate na tanggalin ang lahat ng kanilang facial hair. Sumusunod lamang daw sila sa school board po­licy kaya’t sinampolan ang binatang valedictorian.