Maganda pa naman na laging may tina-target na goal; pero maraming tao na magaling lang sa simula, pero ang ending ay hindi na consistent na natatapos ang nasisimulan.
Sa una ay excitedly sa paggawa, ang nakalulungkot ay nawawala sa momentum habang nasa gitna ng labanan. Marami pa naman ang nakaabang at umaasa sa sinimulang pangarap. Para sa sariling kapakanan puwes huwag papasok sa isang commitment o trabaho, kung hindi buong puso ang ibibigay na atensyon. Kung sa una pa lang ay alanganin na kung susunggaban ang isang task. Mag-isip muna ng maraming beses. Kapag nakatiyak at nakapagdesisyon na. Siguraduhin na maging determinadong tapusin ang goal na sinisimulan kahit harangin pa ng sandamakmak na sibat sa daraanan.