Dear Vanezza,
Ako po 45 ay years old na may magandang trabaho, may tatlo akong anak sa iba’t ibang babae. Pinakamahal ko sa lahat ang pangalawa ko na kasing edad ko rin dahil maasikaso siya sa akin at sa anak namin na 7 years old na babae. Kaso tinabangan ako sa kanya. Nabaling ang tingin ko sa mas bata na 20 years old. Iniwanan ko ang mag-ina ko. Ngayon ay may anak na kami ng isang taon. Pero nadismaya ako dahil sa isip bata ang kinaksama ko ngayon. Naaawa ako sa dati kong mag-ina at nagsisisi ako, pero kinamumuhian pa rin niya ako. Gusto ko siyang balikan, pero natali na ko sa kinakasama kong mas bata. Naguguluhan ako. Ano po ang dapat kong gawin? -Mike
Dear Mike,
Talagang magulo ang pinasok mong buhay. Nagkakaedad ka na at dapat nang manindigan ng tama. Wala ka rin binanggit na pakakasalan sa kanila. Timbangin mo ang kalooban mo, pero paano ang responsabilidad mo sa inyong mga anak. Sana ay magkaroon ka na ng tamang disposisyon sa buhay. Para na rin sa mga lumalaki mong mga anak.
Sumasaiyo,
Vanezza